"သေမင်းတမန်၏ စင်တာနေရာမှ ပွဲဦးထွက်ခြင်း"

CN : 死神大人他C位出道啦

TN : 今斐

*BL, Novel

~~~

Description 

သေမင်းအဖွဲ့အစည်းထဲရှိ လူသိများသူတစ်ဦးအနေဖြင့် ဤမိုးကောင်းကင်အောက်တွင် လုရွှိမရိတ်သိမ်းနိုင်သည့် ဝိညာဉ်ဟူ၍မရှိချေ။

( ရိတ်သိမ်း = အသက်နုတ်ယူ )

တစ်နေ့မှာတော့ ရုပ်ရှင်ဧကရာဇ်ကျိရှိုးနျန်၏ အကြိမ်ပေါင်းများစွာ သေခြင်းမှလွတ်မြောက်ခဲ့ခြင်းအပေါ် စုံစမ်းစစ်ဆေးရန် မစ်ရှင်တစ်ခုပေးအပ်ခံခဲ့ရသည်။ ထိုရုပ်ရှင်ဧကရာဇ်မှ Idol Survival Show တစ်ခုတွင် ဒိုင်အဖြစ်ပါဝင်တော့မည်ကို သိလိုက်ရသောကြောင့် လုရွှိအကြံတစ်ခုရသွားပြီး ပြိုင်ပွဲဝင်အဖြစ် စာရင်းပေးသွင်းလိုက်လေသည်။

နဂိုစီစဉ်ထားသည်မှာ စုံစမ်းမှုပြီးသည်နှင့် ထိုသူကို ချက်ချင်းရိတ်သိမ်းမည်ဖြစ်သည်။

သို့သော်လည်း လုရွှိ စင်တာနေရာတွင် မတော်တဆပွဲဦးထွက်သွားခြင်းဖြင့် အဆုံးသတ်သွားရသည်။

အသက်ငါးနှစ်အရွယ်၌ ကျိရှိုးနျန် သူ၏ လက်ကျန်ဘဝတစ်ခုလုံးတွင် အထီးကျန်နေရမည်ဟု နိမိတ်ဖတ်ခံခဲ့ရပြီး သူ့အနားရှိလူတိုင်းသည် သေဆုံးမည် သို့မဟုတ် အပြင်းအထန်ထိခိုက်ကြရမည်ဖြစ်သည်။

တစ်ဘဝလုံး တစ်ဦးတည်းသာ နေရမည်ဟု တွေးထားခဲ့ပြီး ခြွင်းချက်ရှိလာမည်ကို တစ်ခါလေးတောင်မှ စိတ်မကူးမိခဲ့သော်လည်း လုရွှိနှင့်တွေ့ဆုံရပြီးနောက် သူ၏ကံမှာ ပြောင်းပြန်ဖြစ်သွားရုံသာမက သူ့အနားရှိ နတ်ဆိုးများနှင့် သရဲတစ္တေများလည်း ပျောက်ကွယ်သွားခဲ့သည်။

ကျိရှိုးနျန် ပွဲဦးထွက်စဉ်ကတည်းက ဘယ်သောအခါမှ ရည်းစားရှိခဲ့ခြင်းမရှိဘဲ သူ၏တစ်ခုတည်းသော ကောလာဟလမှာ လုရွှိသာဖြစ်သည်။

ဤသည်မှာ လူသစ်လေး၏ ကျော်ကြားမှုကို တိုးမြင့်ရန်နည်းလမ်းတစ်ခုကို ပရိတ်သတ်များက ထင်ခဲ့ကြသော်လည်း အေးစက်သည့် ရုပ်ရှင်ဧကရာဇ်မှ “ ဒါကကောလာဟလမဟုတ်ဘူး သူကငါ့ရဲ့ရေစက်ပဲ…” ဟူ၍ လူကိုယ်တိုင်ထွက်ပြီး ရှင်းပြလာမည်ကိုမူ မစဉ်းစားမိခဲ့ကြပေ။

*စင်တာနေရာ = အိုင်ဒေါအဖွဲ့တွင် သီချင်းစာသား အများဆုံးရသူ၊ အကနေရာများတွင် အလယ်နေရာ ရလေ့ရှိသူ ၊ Screen Timeများများရသူ

[ နေ့တိုင်း သေခြင်း ချောက်ကမ်းပါးစွန်းကိုရောက်နေတဲ့ အထက်ပုဂ္ဂိုလ်ရုပ်ရှင်ဧကရာဇ်နဲ့ နေ့တိုင်း ဝိညာဉ်တွေကို ရိတ်သိမ်းဖို့ စောင့်နေတဲ့ အောက်ပုဂ္ဂိုလ်သေမင်း ]

~~~