အေးတိအေးစက်ကောလေးက လက်ထပ်ပြီးနောက်အရမ်းကိုချိုမြိန်နေတယ်တဲ့

Description

ထိပ်တန်းကျောင်းသား မော့ဝမ်ယွီတစ်ယောက် နိုးထလာပြီးနောက်တွင် တရုတ်စာလုံးကိုတောင် မဖတ်နိုင်သည့် အရူးတစ်ယောက်အဖြစ် ပြောင်းလဲသွားခဲ့လေ၏။

သူက အမှန်တကယ်ပင် ရူးနှမ်းနေခဲ့သည့်သူတစ့ဦးဖြစ်ပြီး သူ့၏မိသားစုဆီကလည်း ဝိုင်းပယ်ထားခြင်းကို ခံထားရလေ၏။

ထို့အပြင် ကျူးမိသားစုထဲသို့ ဝင်ရောက်လက်ထပ်ရန်အတွက်လည်း သူ့အစ်ကိုအတွက် အစားထိုးခံတစ်ယောက် ဖြစ်နေခဲ့သေးသည်။

တည်ငြိမ်ခမ်းနားပြီး အထီးကျန်ပုံရသည့် ကျူးမိသားစု၏အိမ်ကြီးနှင့် အပြုံးရိပ်အနည်းငယ်မျှလောက်တောင်မရှိဘဲ အေးတိအေးစက်နိုင်လွန်းသည့် လူငယ်လေးကိုကြည့်ကာ မော့ဝမ်ယွီ တုန်လှုပ်သွားခဲ့ရသည်:

ငါက အရူးတစ်ယောက်သက်သက်ပါပဲ qwq

မော့မိသားစုထံသို့ ပြန်ပို့မခံရစေရန်အတွက် မော့ဝမ်ယွီတစ်ယောက် သူ၏ခင်ပွန်းသည်ဖြစ်သူကို အရင်ဆုံး ရယ်မောရန်လုပ်ဆောင်ပေးဖို့ ဆုံးဖြတ်ခဲ့သည်။

ထို့ကြောင့် သူ့အတွက် စွန်များလုပ်ပေးခဲ့သည်၊ ပန်းပင်များစိုက်ပျိုးပေးခဲ့သည်၊ အရသာရှိသည့်အစားအစာများကို ချက်ပြုတ်ခဲ့သည်... သူ တတ်နိုင်သမျှ အရာအားလုံးကို လုပ်ပေးခဲ့လေ၏။

ကောငယ်လေး၏ သဘောထားက အတော်လေးနူးညံ့လာခဲ့သော်လည်း သူသည်က မပြုံးချင်ဘဲ ရှိနေဆဲပင်။

နှုတ်ရေး အမြဲတမ်း ကောင်းမွန်ခဲ့တဲ့ မော့ဝမ်ယွီ: အရေးပေါ်အခြေအနေ! လူတွေကို ရယ်မောအောင် ဘယ်လိုလုပ်ရမလဲ၊ အွန်လိုင်းပေါ်မှာစောင့်နေပါတယ်!

ကျူးမိသားစုတွင် ပြသနာများနှင့်ရင်ဆိုင်နေခဲ့ရပြီး ဆိုင်ကိုလည်း ပေါင်နှံထားရသည့်အတွက်ကြောင့် မော့ဝမ်ယွီက ခင်ပွန်းဖြစ်သူ၏ ဆန္ဒကို လိုက်နာပြီးဖြည့်ဆည်းပေးရန်အတွက် အစားအသောက်များကိုပြင်ဆင်ပြီး စားသောက်ဆိုင်နှင့် စာအုပ်ဆိုင်တစ်ခု တည်ထောင်ခဲ့သည်။ သူက ကျူးမိသားစုကို ဒုက္ခမှ လွတ်မြောက်စေခဲ့ကာ သာယာပျော်ရွှင်သည့်ဘဝနှင့် နေထိုင်စေခဲ့လေ၏။

သူ့အနေဖြင့် စီးပွားရေးကိုသာ စိတ်ဝင်တစားလုပ်နေခဲ့သည့် ကောလေးက နှလုံးသားထဲမှာ လိုချင်မှုများနှင့် ရရှိလိုမှုများအပေါ် အမြဲတစေလျှို့ဝှက်သိမ်းဆည်းထားကြောင်းကို သိထားခဲ့လေ၏။

နောက်ဆုံးတွင်တော့ တစ်ညသောအချိန်တွင် မော့ဝမ်ယွီက သူ့ရဲ့ငယ်ရွယ်သောခင်ပွန်းသည်လေး၏လက်ကို ကိုင်ကာ သူ၏ မေးဖျားကို တစ်ဖက်လူ၏ ဆံပင်တွေပေါ်တွင် တင်ထားရင်းဖြင့် တစ်ဖက်လူ၏ စာရင်းစာအုပ်ကို တစ်ကြိမ်တည်းနဲ့ ကူညီပေးလိုက်ချိန်တွင် အံ့သြသင့်စရာတစ်ခုကိုမြင်တွေ့လိုက်ရလေသည်။

ဒီအေးတိအေးစက် ကောလေးရဲ့ နားရွက်တွေက ... နီရဲနေခဲ့တာလား။

ကွေ့ဟွားမြို့က လူတိုင်းက ကျူးရှုကို နှစ်မြို့ဖွယ်ရာမကောင်းသည့် ကောလေးတစ်ယောက်အဖြစ် သိထားခဲ့ကြသည်။

သူက သူ၏မိဘတွေ ပျော်ရွှင်စေရန်အတွက် ချိုမြိန်သည့် စကားတွေကိုလည်း မပြောတတ်သကဲ့သို့ မိဘများမှ သဘောကျစေရန်အတွက်လည်း ချစ်ခင်လောက်စရာ ဆိုးနွဲ့မှုတွေကိုလည်း မလုပ်တတ်ပါချေ။

သူက သူ ကြိုက်နှစ်စက်သည့်အရာများကို ပြောဖို့အတွက်ပင် အစပျိုးမှု မလုပ်နိုင်ခဲ့ပေ။ ဒါကြောင့် ကျူးစုံတွဲက သူ့အတွက် စိတ်ပူနေခဲ့ရသည်။

မြို့ထဲမှလူများက အဖေကျူးနဲ့ သူ၏ဇနီးသည်တို့ထံတွင် သူတို့အနေဖြင့် အိမ်ကိုလိုက်ပါလာနိုင်သည့် သားမက်တစ်ယောက်ကိုရှာဖို့အတွက် တိုက်တွန်းလောဆော်ခဲ့ကြသည်။ 

ထိုသို့သာ မဟုတ်ခဲ့ပါက ကောလေးကျူးက အသက်ကြီးလာသည့်အချိန်တွင်ပင် အိမ်ထောင်ပြုနိုင်မည်မဟုတ်ပေ။

ထို့ကြောင့် သူတို့က မော့မိသားစု၏ ထက်မြက်ပြီး ဥာဏ်ရွှင်တဲ့ သားအကြီးဆုံးကို ရွေးချယ်ခဲ့ကြလေသည်။ သို့သော်လည်း မင်္ဂလာဆောင်သည့်နေ့တွင်တော့ တစ်ဖက်မိသားစုက စာမတတ်ဘဲ တုံးအလွန်းသည့် သားငယ် အရူးနှင့် အစားထိုးခဲ့ကြလေ၏။

မြို့ထဲမှ လူများက ခေါင်းကို ခါရမ်းခဲ့ကြပြီး ချစ်စဖွယ် မကောင်းသည့်ကောနဲ့ အရူးတို့ စုံတွဲမှာ ကောင်းမွန်သည့်ဘဝကိုရရှိခဲ့လျှင်ပင်ထူးဆန်းနေလိမ့်မည်လို့ ပြောခဲ့ကြသည်။

မထင်မှတ်ဘဲ၊ သူတို့က အခြေအနေကိုသိရဖို့အတွက် သိပ်ပြီး အချိန်မယူလိုက်ရပါချေ။

အမြဲတစေ စကားအပြောအဆိုနှင့် အလုပ်အကိုင်နှစ်ခုလုံးအပေါ်တွင် အလွန်အမင်း အလေးအနက်ရှိတတ်သည့် ရှုကောအာတစ်ယောက် ဆိုင်ထဲတွင် ပစ္စည်းများကိုနေရာချကာ အလုပ်ရှုပ်နေသည့် မော့ဝမ်ယွီ၏မျက်နှာပေါ်မှ ချွေးများကို ရှက်ရွံ့နေသည့်မျက်နှာလေးနဲ့ သုတ်ပေးနေသည်ကို မြင်လိုက်ရလေသည်။

ဈေးဆိုင်က လူအများနှင့် စည်ကားနေပြီး လုပ်ငန်းသည်လည်း အလွန်ကောင်းမွန်စွာ ရောင်းချနိုင်နေခဲ့သည်။

လူတိုင်း: ? 

သူက စကားပြောရတာကို မကြိုက်တော့ရော ဘာဖြစ်လဲ! 

သူက အရူးဖြစ်နေတော့ရော ဘာဖြစ်လဲ! 

သူတို့တွေက အရမ်းအဆင်ပြေနေကြတာ!

နောက်ထပ်ဆောင်းဦးရာသီတွင်တော့ ကျူးမိသားစုမှ ဖွင့်ထားသည့် ဟော့ပေါ့စားသောက်ဆိုင်ထဲတွင် ရှုကောအာက မော့ဝမ်ယွီ၏လက်ကို ကိုင်ဆွဲပြီး တစ်ဖက်လူကို မှီတွယ်ရင်း "လောင်ကုန်း" ဟု နူးညံ့ချိုသာစွာခေါ်ဆိုလာသည်ကို သူတို့ မြင်တွေ့လိုက်ကြရပြီး လူတိုင်းရဲ့မျက်လုံးများက ပြူးကျယ်သွားခဲ့ရပြန်သည်။

ဒါက အရမ်းချိုမြိန်လွန်းတယ်!