TITLE - The Villain All Fall In Love With Me After Rebirth 

Description 

ကျီလင်က စာအုပ်ကမ္ဘာထဲသို ကူးပြောင်းသွားပြီးနောက် ကြယ်တာရာခေတ်အင်ပါယာတွင် သူနှင့်နာမည်တူသော အသက်၁၈နှစ်အရွယ် အထက်တန်းလွှာတစ်ယောက် ဖြစ်လာခဲ့သည်။ ဘဝတွင် နောက်တစ်ကြိမ်အခွင့်အရေးရရန်အတွက် သူ့ဇာတ်ကောင်နေရာကို အပြည့်စုံဆုံးဖြစ်အောင် သရုပ်ဆောင်ရပြီး မည်သည့် အတွေးမှ မရှိဘဲ အင်ပါယာဧကရာဇ်ကို ချစ်ခင်ကာ ဇာတ်လိုက် shou၏ ဆူးငြှောင့်ခလုတ်အဖြစ် နေထိုင်ရမည်ဖြစ်သည်။ ဇာတ်လိုက် shou ၏ မွန်မြတ်သော ပြီးပြည့်စုံမှုကို ဖော်ဆောင်ရန် သူ၏ ယုတ်မာသောအကြံအစည်များကို အသုံးပြုရပေမည်။

သူ့က သူ့ဇာတ်ကောင်ကိုပေါ်လွင်အောင် အလုပ်ကြိုးစားခဲ့သည်။

အဓိကဇာတ်ဆောင်ဖြစ်သော အင်ပါယာဧကရာဇ်ကို - မည်သည့်အတွေးမှ မရှိဘဲ ချစ်ခင်ပေးရပြီး ဧကရာဇ်အတွက် အသက်စွန့်ပေးရမည်။

ဗီလိန်နံပါတ်တစ်ဖြစ်သည့် မြိုစားကိုမူ -  အဆိုးကို အကောင်းဖြင့် ပြန်ပေးဆပ်ပြီး သူနှင့်အတူ အဓိကဇာတ်လိုက် shouကို ကိုင်တွယ်ရာတွင် ပူးပေါင်းဆောင်ရွက်စေခဲ့သည်။

ဗီလိန်နံပါတ်နှစ်ဖြစ်သည့် မာရှယ်အတွက်မူ - သူ့ကိုယ်သူ စတေး၍ သူတိုနှစ်ယောက်ကို ကူညီပေးပြီး သူနှင့်အတူ အဓိကဇာတ်လိုက် shouကို ကိုင်တွယ်ရာတွင် ပူးပေါင်းဆောင်ရွက်စေခဲ့သည်။

ဗီလိန်နံပါတ်သုံးဖြစ်သည့် လွှတ်တော်အမတ်ကို -  သူ့နှလုံးသား သာမက စိတ်ဝိညာဉ်နှင့်ပါပေးဆပ်၍ တစ်ယောက်ကိုတစ်ယောက် ကူညီခဲ့ပြီး သူနှင့်အတူ အဓိကဇာတ်လိုက် shouကို ကိုင်တွယ်ရာတွင် ပူးပေါင်းဆောင်ရွက်စေခဲ့သည်။

အဓိကဇာတ်လိုက်ကို ကိုင်တွယ်ရန်အတွက် သူက ရရှိနိုင်သော ရင်းမြစ်အားလုံးကိုအသုံးပြုပြီး အင်အားစုများကို စုစည်းခဲ့သည်။ အဓိကဇာတ်လိုက် shouက အတင်းအကြပ် ချောင်ပိတ်ခံရသည့်အချိန်တိုင်း သူက "ခြေတစ်လှမ်းနောက်ကျကာ" သနားညှာတာမှုကင်းမဲ့စွာဖြင့် မျက်နှာဖြတ်ရိုက်ခံရမည်ဖြစ်သည်။ အဆုံးတွင် "သူ့ကိုယ်ပိုင်အကြံအစည်များ၏ သားကောင်" အဖြစ်ပြောင်းလဲသွားပြီး shou၏ ဓားစာခံဖြစ်လာကာ Male leadကိုကယ်တင်ရင်း သေဆုံးသွားရမည်ဖြစ်သည်။

သူ နောက်ဆုံးတွင် ထွက်သွားနိုင်ပြီး ငြိမ်းချမ်းသောဘဝကို ပျော်ရွှင်စွာဖြတ်သန်းနိုင်တော့မည်ဟု တွေးလိုက်ချိန်တွင်...

စနစ်က ပြောခဲ့သည်။

' မင်း သေသွားပြီးတဲ့နောက်ပိုင်းမှာ အဲဒီကမ္ဘာက ပြိုလဲသွားခဲ့တယ်… အခု မင်း စစချင်းကူးပြောင်းသွားတဲ့အချိန်ရဲ့ အစပိုင်းနေရာကို ပြန်ပိုပေးမယ်… ကျေးဇူးပြုပြီး မစ်ရှင်ကို နောက်တစ်ကြိမ်ပြန်လုပ်ပေးပါ… ခင်မင်မှုနဲ့ သတိပေးတာပါ ~ အမျိုးသားဗီလိန်တွေရော အမျိုးသမီးဗီလိန်တွေရောက ပြန်လည်မွေးဖွားလာကြပြီ… ကျေးဇူးပြုပြီးတော့ အားစိုက်ထုတ်ပြီး ကြိုးကြိုးစားစားလုပ်ပေးပါ… ဇာတ်ကြောင်းက မူရင်းလမ်းကြောင်းပေါ် ပြန်ရောက်မှဖြစ်မယ်… ငါ မင်းကို အများကြီးမျှော်လင့်ထားတယ်နော်…'

ဤသိုဖြင့် ကျီလင်မှာ မစ်ရှစ်ကို နောက်တစ်ကြိမ် ထပ်မံလုပ်ဆောင်ရတော့သည်။ သိုသော်...

ဗီလိန်မြိုစား : ဒီလိုချစ်စရာကောင်းတာလေးကို ဘာလို ဘယ်သူမှ မချစ်ကြတာလဲ… ဟန်ဆောင်ထားတဲ့ မျက်နှာအောက်မှာ သူရဲ့ နူးညံ့တဲ့နှလုံးသားလေးကို  ဖုံးကွယ်ထားတာပဲ…

ဗီလိန်မာရှယ် : သူက ထင်ထားသလောက် မာနမကြီးတဲ့အပြင် လွှမ်းမိုးနိုင်စွမ်းလည်း မရှိပါဘူး... တကယ်တော့ သူ့နှလုံးသားလေးက တခြားသူတွေထက်ပိုပြီး တောက်ပတဲ့အပြင် ကြင်နာတတ်တယ်…

ဗီလိန်လွှတ်တော်အမတ် : မင်းက ကိုယ့်ရဲ့ယုံကြည်မှု၊ ကိုယ့်ရဲ့ အရာအားလုံးပါပဲ… ကိုယ် မင်းရဲ့ ခြေတော်ရင်းမှာ အမြဲထာဝရခစားပြီး မင်းရဲ့ ဆူးညှောင့်ခလုတ်တွေကို ရှင်းပေးမယ်…

ကျီလင် : မင်းတိုအားလုံး ငါ့ကို မချစ်သင့်ဘူး… ငါက အရှင့်ကိုပဲချစ်တာ… ငါ သူတစ်ယောက်တည်းကိုပဲ အမြဲတမ်းချစ်သွားမှာ… 

အမျိုးသားဧကရာဇ် : ဘယ်လိုတောင် တိုက်ဆိုင်တာလဲ... ကိုယ်လည်း မင်းကိုချစ်တယ်…

ကျီလင် : ငါ့မှာ ပြောစရာရှိတယ် **** ငါ အခုပြောမှ ဖြစ်တော့မယ်…

✨