ဒါလေးကတော့ 70s novelတွေရဲ့ ထုံးစံအတိုင်းပေါ့နော် အဓိကတော့ ကလေးပြုစုတာ၊ အစားအသောက်တွေချက်ပြုတ်တာလေးတွေနဲ့အတူ မျက်နှာဖြ-တ်ရို-က်တဲ့ အခန်းလေးတွေများများပါတဲ့ novelလေးပါ။

FMLအကြောင်းစပြောရမယ်ဆိုရင် နင်ထန်က တော်တော်လေးကို အပျင်းထူတာပါ🥲 သူက 21ရာစုကနေ 1970ကျော်ခေတ်ကို ကူးပြောင်းလာတာမို့ ဒီခေတ်မှာ အိမ်မှုကိစ္စတွေလုပ်ရတာ အရမ်းပင်ပန်းတယ်ဆိုပြီး ပန်းကန်တောင် မဆေးချင်တဲ့သူမျိုးပါ၊ နင်အိမ်မှာလည်း အဖေနဲ့အမေက ဖူးဖူးမှုတ်ထားတော့ ပိုဆိုးပါတယ်၊ အဲလို‌နဲ့ တစ်ရက်ကျ MLဖြစ်လာမယ့် ရှန်းလေ့ဆိုတဲ့ မုဆိုးဖိုတစ်ယောက်နဲ့ ကြင်ဖက်တွေပြီးတော့ နှစ်ဦးနှစ်ဖက် အဆင်ပြေသွားတာနဲ့ ရှန်းလေ့ တာဝန်ကျရာ ဟိုင်လန်ကျွန်းကို လိုက်လာရပါတော့တယ်၊ 

ရှန်းလေ့မှာက သား၂ယောက်၊ သမီး တစ်ယောက်ရှိပါတယ်၊ အဲ့ကလေးတွေက နင်ထန်ကို အစပိုင်းတုန်းက မကြည်ပါဘူး၊ အမေလို့တောင် မခေါ်ကြဘဲ မိထွေးလို့ ခေါ်တာပါ

နင်ထန်ကလည်း အပျင်းထူချက်ကတော့ အစကဆို လင်ပါကလေးတွေကို ထမင်းတောင် ချက်မကျွေးဘဲ မနက်11နာရီအထိ အိပ်ပါတယ်🥹 ကလေးတွေ အတင်းနှိုးမှ ဈေးသွားပြီးတော့ ဈေးတန်တဲ့ ပင်လယ်စာတွေ ဝယ်လာပြီး မချက်တတ်တော့ ပေါင်းကျွေး၊ ပြုတ်ကျွေးပါတယ်😆 ကလေးတွေစားတဲ့ပန်းကန်လည်း သူ မဆေးချင်ပါဘူး။ 

MLကိုလည်း တော်တော်တော့လေးစားတယ်၊ သူက တကယ့် သစ်တောစိမ်းကြီး နင်ထန် အစပိုင်းတုန်းက အိမ်အလုပ်တွေမလုပ်ဘဲ ပန်းကန်တွေပုံထား၊ ညစာမချက်၊ ပေါင်းပင်တွေမရှင်းဘဲ သူ့ကိုခိုင်းတာတောင် တစ်စိမှ စိတ်မဆိုးဘဲ အဲ့အလုပ်တွေ သူပဲဒိုင်ခံလုပ်တာပါ၊ နောက်ပိုင်းကျမှ လင်မယားနှစ်ယောက် ညှိညှိနှိုင်းနှိုင်းနဲ့ အိမ်အလုပ်တွေ ခွဲဝေလုပ်ကြတယ်ပေါ့နော်၊ ဒါတောင်မှ နင်ထန်က ရှန်းလေ့ချက်ကျွေးတဲ့ဟင်းတွေက ပိုကောင်းတယ်ဆိုပြီး ရှန်းလေ့ကို ညာခိုင်းပါသေးတယ်😆

ကလေး၃ယောက်ကလည်း တော်ဝောာ်ချစ်စရာကောင်းပါတယ်၊ အဖေက ဟင်းချက်ကောင်းတော့ အစားပုတ်လေးတွေဖြစ်နေတာ၊ သူတို့ကို စားကောင်းတာတွေကျွေးမယ်ဆိုပြီး ညာခိုင်းရင် အိမ်အလုပ်တွေ ကူလုပ်ပေးကြပါတယ်

ဒီnovelထဲမှာ adminအကြိုက်ဆုံးကတော့ ပင်လယ်စာတွေ သွားကောက်တဲ့အခန်းနဲ့ အဲ့ပင်လယ်စာတွေကို ချက်တဲ့အချိန်ပါပဲ၊ မူရင်းစာရေးသူက တော်လွန်းတော့ ပင်လယ်စာတွေချက်နေတဲ့အခန်းဆို မျက်လုံးထဲ ကွက်ကွက်ကွင်းကွင်းကို မြင်ယောင်လာပြီး ကလေးသုံးယောက်နဲ့အတူတူ သွားရည်ကျနေမိတော့တာပဲ🥹

ဒါဆိုရင် နင်ထန်တစ်ယောက် ဟိုင်လန်ကျွန်းမှာ ဘယ်လိုတွေမွှေမယ်၊ သူ့ကို လာပြိုင်တဲ့သူတွေကို ဘယ်လိုမျိုး မျက်နှာဖြ-တ်ရို-က်မယ်၊ ယောကျာ်းနဲ့ ကလေးတွေကို ဘယ်လိုနည်းတွေနဲ့ ညာခိုင်းမယ်ဆိုတာတွေကို adminနဲ့တူတူ Ongoingလိုက်ကြည့်ကြမယ်နော်🤭

ဒါလေးကို ညဘက်မဖတ်ဖို့တော့ သတိပေးချင်ပါတယ်adminလို သွားရည်တမြားမြားဖြစ်နေရမှာစိုးလို့ပါ 🤤

🏝️🏝️🏝️

Title - Lazy Stepmother of 70s Island 

Genre - Romance, Comedy, ChildCare, Slice of Life

🏝️ Description 

နင်ထန်က ဝေးလံခေါင်သီသော ကျွန်းတစ်ခုရှိ အကျင့်ပုပ်မိထွေးအကြောင်းရေးထားသည့် ဝတ္ထုသို့ ကူးပြောင်းသွားခဲ့သည်။ သူမ၏ ဝမ်းကွဲအစ်မဖြစ်သူ နင်ရွှယ်က ကွာရှင်းထားသော ကလေးနှစ်ယောက်အဖေ စစ်အရာရှိတစ်ဦးနှင့် အိမ်ထောင်ကျခဲ့သည်။ 

နင်ထန်ကလည်း ကျွန်းတစ်ကျွန်းပေါ်တွင် တာဝန်ကျသော ကလေးသုံးယောက်အဖေ မုဆိုးဖိုအခြားစစ်အရာရှိတစ်ဦးနှင့် လက်ထပ်ခဲ့သည်။ သူမက လင်ပါကလေးများအား အဆက်မပြတ် ဆဲဆိုကြိမ်းမောင်းခဲ့သည်။ သူမ သူတို့ကို အစားလည်းမကျွေးဘဲ အငတ်ထားကာ သူတောင်းစားလိုပင် လျစ်လျူရှုထားခဲ့သည်။

တစ်နေ့တွင် ကလေးများဘက်က သည်းမခံနိုင်၍ ပြောလာသောအခါ၊ နင်ထန်က ပျင်းရိသောမိထွေးအဖြစ် စတင်စရိုက်ဆန်လာတော့သည်။

သူမက အပေါစားပင်လယ်စာစွပ်ပြုတ်ကို ပြုလုပ်ပြီး ကလေးငယ်များထံမှ ငွေတောင်းသည်။ ကလေးများက နောက်ဆုံးတွင် နင်ထန်ဆီမှ အစားအစာကို ဝယ်စားကြရသည်။

တစ်ဖက်တွင် နင်ရွှယ်က အလုပ်တစ်ခုရှာပြီး လင်ပါကလေးများအတွက် ငွေရှာခဲ့သည်။ သို့သော် နင်ထန်က ကလေးများကို ဂရုမစိုက်ဘဲ ပစ်ထားကာ ဒုက္ခပေးနေတတ်ပြီး ပေါ့ပေါ့ပါးပါးသာ နေထိုင်လာသည်။

နင်ရွှယ်၏ခင်ပွန်း ရဲဘော်စုက ကလေးများကို ကျွန်း၏ အန္တရာယ်ရှိသည့်နေရာများကို ခေါ်သွားပေးရန် ပြောလာလျှင်ပင် နင်ရွှယ်က ကြင်နာစွာ ငြင်းဆိုတတ်သည်။

တစ်ဖက်တွင်မူ ရှန်းမိသားစုမှ ကလေးသုံးယောက်က နင်ထန်အား တောင်များနှင့် ပင်လယ်ကမ်းစပ်သို့ ဆော့ကစားချင်ကြောင်း ပြောပြလျှင်၊ နင်ထန်က ချက်ချင်းဆိုသလိုပင် - 

"ပင်လယ်စာဖမ်းချင်တာလား… ယုန်တွေဖမ်းချင်တာလား… ကဲ ငါတို့ ဘယ်အချိန်သွားကြမလဲ…"

နင်ရွှယ်၏ သားများက ကျောင်းတွင် ရန်ဖြစ်ခဲ့သော်လည်း သူမက သူတို့ကို ဆူပူကြိမ်းမောင်းခြင်း မပြုခဲ့ပေ။ ယင်းအစား၊ သူမက အကြောင်းပြချက်ဖြင့် စကားနားထောင်‌စေရန်သာ ကြိုးစားခဲ့သည်။

ရှန်းမိသားစု၏ ကလေးသုံးယောက်က ကျောင်းတွင် ရန်ဖြစ်ကြရာဝယ် ဆရာမက “ရှင်တို့ ကလေးတွေ ကျောင်းမှာ ရန်ဖြစ်ကြတယ်” ဟု နင်ထန်ကို တိုင်တန်းသည်။

နင်ထန် : "သူတို့ နိုင်သွားလား ဆရာမ…"

"သူတို့ နိုင်တော့ နိုင်ပေမယ့်…ကျွန်မဆိုလိုတာက…”

“ဆရာမကလည်း သူတို့အနိုင်ရရင် ဘာလို့ ကျွန်မကိုခေါ်‌နေသေးတာလဲ…” 

......

ရှန်းလေ့က ပင်လယ်ပြင်ခရီးမှ ပြန်ရောက်လာပြီး ဇနီးသစ်နှင့် သူ၏သားသမီးများ ရန်ဖြစ်ကြကြောင်း သိလိုက်ရသည်။ သို့သော်လည်း အကြီးဆုံးကလေးက နင်ထန်၏ ခြေထောက်ကို ပွေ့ဖက်ထားပြီး ဒုတိယနှင့် တတိယကလေးက နင်ထန်၏အဝတ်အစားများကို ဆွဲထားသည်။

"ကျွန်တော်တို့ ဟို့မား(မိထွေး)က အမေအရင်းလိုပါပဲ…" 

စစ်တပ်မိသားစုအားလုံး - ဗိုလ်ကြီးရှန်း ကျေးဇူးပြုပြီး မင်းရဲ့ဇနီးကို ထိန်း‌ပေးပါ… သူက ကလေးဘုရင်မ ဖြစ်လာလုနီးပါးဖြစ်နေပြီ… သူက ကလေးတွေကို အမြဲနိုင်စားမယ့်သူပဲ…

🏝️🏝️🏝️