၇၀ ခုနှစ် ကျွန်းပေါ်ရှိ စုံတွဲ

Description

မုန့်ယန်က ကျယ်ဝန်းတဲ့ဝင်းထဲမှာ မွေးဖွားခဲ့တဲ့ လှပတဲ့ အမျိုးသမီးတစ်ယောက်ဖြစ်သည်။ သူမရဲ့ မျက်လုံးတွေဟာ ဆောင်းဦးရေနဲ့ တူပြီး၊ မျက်ခုံးတွေကတော့ လခြမ်းကွေးလေးနဲ့တူကာ မျက်နှာလေး နုနယ်တဲ့ မိန်းကလေးဖြစ်သည်။ သူမရဲ့မျက်မှောင်ကြုပ်တာတွေ အပြုံးတွေက လူတွေရဲ့ နှလုံးသားကို ထိရှစေသည်။

သို့ပေမယ့်လည်း၊ ချို့တဲ့ တဲ့မိသားစုက သမီးတစ်ယောက်အတွက်တော့ ဘာအတွက်မှ မဟုတ်တဲ့ အလှအပရှိတာက အန္တရာယ်ပဲဖြစ်သည်။ အသက်ဆယ့်ရှစ်နှစ်မှာ မုန့်ယန်ဟာ သူသာမရရင် သူမကိုဖျက်စီးပစ်မယ်လို့ ခြိမ်းခြောက်ခဲ့တဲ့ ယံုမှားသံသယလွန်ကဲတဲ့  အမျိုးသား တစ်ယောက်ဆီကနေ အရူးအမူးလိုက်ခြင်းခံခဲ့ရသည်။

လွတ်မြောက်ဖို့ရာအတွက် မုန့်ယန် ဟာကျေးလက်‌ေဒသသို့သွားရန်အတွက် လက်ဦးမှုယူပြီး စာရင်းသွင်းလိုက်ပေမယ့် ရူးနေတဲ့အမျိုးသားဟာလည်းဘဲ သူ့နောက်ကို လိုက်လာခဲ့သည်။ နောက်ဆုံးမှာတော့၊ ဘာနည်းလမ်းမှမရှိတော့တဲ့အတွက် မုန့်ယန်ရဲ့အဖေဟာ သူ့သမီးနဲ့ လက်ထပ်ဖို့အတွက် အရည်အချင်းရှိတဲ့ အမျိုးသားတစ်ယောက်ကိုရှာဖို့ ခေါင်းဆောင်ဟောင်းကို အကူအညီတောင်းလိုက်တော့သည်။ဒါက ယုံမှားသံသယလွန်ကဲတဲ့ အမျိုးသားဆီကနေ မရပ်မနား အနှောင့်အယှက်ပေးခံရတာ ထက်တော့ ကောင်းသေးသည်။

တစ်ချိန်ထဲမှာဘဲ ၊ ခေါင်းဆောင်ဟောင်းရဲ့ သူငယ်ချင်းဖြစ်သူရဲ့ သားဟာလည်း လက်ထပ်ရမယ့် အရွယ်ရောက်နေပြီး သူဟာ ငယ်ရွယ်ကာ လက်ရှိ ကျွန်းစစ်တပ်တွင် တပ်စွဲထားသောအလားအလာကောင်းတဲ့ အရာရှိဖြစ်သည်။

သူက စူးရှတဲ့အကြည့်နဲ့ဖြောင့်မတ်တဲ့လူတစ်ယောက်ဖြစ်ပမယ့် ကျွန်းပေါ်က အနေအထားမှာတော့ ကြမ်းတမ်းပြီး မိန်းကလေးက လက်ခံနိုင်ပါ့မလားဆိုတာ ငါမသိဘူး... " ကျွန်မလုပ်နိုင်ပါတယ်! ကျွန်မလက်ခံတယ် !" အနှောင့်အယှက်ပေးတဲ့ လူနဲ့ ဝေးဝေးနေနိုင်သရွေ့ အခြေအနေတွေ ခက်ခဲတာလောက်က ကိစ္စမရှိပေ။

.....

ငယ်ရွယ်ပြီး အလားအလာရှိတဲ့ ကျန်းရှောက်ယွီ၊ သူ့အမေကတော့ ဘာနဲ့တူလဲဆိုတာ မသိပေ။ ကျွန်းကနေလွဲ‌ပြီးတော့ သူက တခြားဘာကိုမှ စိတ်မဝင်စားချေ။

ကျွန်းကို ခုနစ်နှစ်လောက် စောင့်ကြပ်ပြီးတဲ့နောက်မှာ သူက နိုင်ငံတော်နဲ့ အဖွဲ့အစည်းဆီကနေ အသိအမှတ်ပြုခံရပေမယ့် သူကတော့ သူ့မိဘတွေအတွက် ဝမ်းနည်းခဲ့ရသည်။

သူ့မိဘတွေက သူ့အတွက် စိုးရိမ်နေပြီး သူတို့က အချို့လိင်တူချစ်သူ‌တွေအကြောင်းသာ ဆက်တိုက်ပြောနေပေမယ့် သူကတော့ သူတို့အားလုံးကို ငြင်းပယ်ခဲ့သည်။

နောက်ဆုံးတော့၊ သူက မိန်းမငယ်လေး တစ်ယောက်ရဲ့ ဓာတ်ပုံနဲ့အတူ စာတစ်စောင်ကို လက်ခံရရှိခဲ့သည်။

“ မင်းနဲ့ လိုက်တာကို ပြလိုက်မယ်၊ လှပပြီး တိတ်ဆိတ်တဲ့မိန်းကလေး၊ အရမ်းနာခံတတ်တယ် “

သူမက အရမ်းနာခံတတ်ပြီး အရမ်းလည်း ချောသည်။ နှစ်ဆယ့်ခြောက်နှစ်လာက် ဖိနှိပ်ထားခဲ့တဲ့ ကျန်းရှောက်ယွီရဲ့ နှလုံးသားက ရှားရှားပါးပါး ခုန်‌လာခဲ့သည်။

ရလဒ်အနေနဲ့ ငြင်းဆိုတဲ့စာက ရေးပြီးပြီးချင်းမှာဘဲ သူ့မိသားစု သူ့အတွက်ရှာခဲ့တဲ့ ငယ်ရွယ်တဲ့ ချွေးမလေးက သူလက်အောက်ငယ်သားတွေရဲ့ ဦးဆောင်မှုအောက်မှာ သူ့ဆီ ရောက်လာပြီ ဖြစ်သည်။

လူတိုင်းက စနောက်ပြီး သူ(မ)ကို "မရီး" ‌ခေါ်ကြသည်။

သူ့အမေ မှန်တယ်၊ မိန်းက‌လေးက တကယ်ကို အရမ်း‌ချောပြီး သူမရဲ့ အသားရည်က တင်းရင်းပြီးတော့ချောမွတ်နေသည်။ သူ(မ)ရဲ့ လက်တွေက နူးညံ့နေကာ သူ(မ)သင့်ကို ကြည့်လိုက်တဲ့အခါ သူ(မ)ရဲ့တောက်ပနေတဲ့ မျက်လုံးတွေက တစ်ခုခုပြောချင်နေသလိုပင်။

" မင်္ဂလာပါ ရဲဘော်ကျန်းရှောက်ယွီ "

အမျိုးသားက စစ်ဝတ်စုံဝတ်ထားပြီး၊ သူ့ရဲ့မျက်နှာသွင်ပြင်က အေးစက်တည်ကြည်နေပြီး သူက သူ(မ)ကို ငြင်းဆန်တဲ့ အကြည့်နဲ့ ကြည့်လိုက်သည်။

"ရဲဘော်မုန့်ယန် နောင်တရဖို့ အချိန်ရှိသေးတယ်နော်။ကျွန်းပေါ်က ပတ်ဝန်းကျင်မှာ မင်း မနေနိုင်ဘူး‌ဆိုရင် မင်းကို ခေါ်သွားပေးဖို့ ငါ့ရဲ့လက်အောက်ငယ်သားတွေကို ပို့ပေးလိုက်မယ် "

 မုန့်ယန် အပြာရောင်ပင်လယ်ပြင်နဲ့ သူ့အနောက်က လူသူကင်းမဲ့နေတဲ့ နေရာကိုကြည့်လိုက်ပြီး သူ(မ)လက်ကို တင်းတင်းဆုပ်လိုက်ကာ အခိုင်အမာပြောလိုက်သည်။

" ကျွန်မ နောင်တမရဘူး။ ရဲဘော်ကျန်းရှောက်ယွီ၊ ကျွန်မ ရှင့်နောက်ပဲလိုက်မယ် "

..........

မုန့်ယန်က စာအုပ်ထဲ ကူးပြောင်းသွားခဲ့ကာ နာတာရှည်ရောဂါဖြစ်နေတဲ့ အမြှောက်စာ အမျိုးသမီး ဇာတ်ပို့ဖြစ်လာခဲ့သည်။

ဇာတ်ကြောင်းအရ မုန့်ယန်က တစ်ပါးသူအပေါ် သံသယလွန်ကဲ‌တတ်တဲ့ အမျိုးသားတွဲဖက်နဲ့ လက်ထပ်ရမှာဖြစ်ပြီး ဖိနှိပ်ပြီးကြမ်းတမ်းတဲ့ အိမ်ထောင်ရေးဘဝထဲ ဝင်ရောက်ရလိမ့်မည်။

မုန့်ယန်က သူတစ်ပါး နာကျင်မှုကြောင့် သာယာတတ်တဲ့သူ မဟုတ်ပေ။ အချိန်ကူးပြောင်းပြီးနောက်မှာ  သူ(မ)က ဝတ္ထုရဲ့ ဇာတ်ကြောင်းကို ပြတ်ပြတ်သားသားပြောင်းလဲ လိုက်ပြီး ပင်လယ်ကျွန်းပေါ်က အရာရှိကို သူမရဲ့ အနာဂတ်ခင်ပွန်းအဖြစ် ပြတ်ပြတ်သားသားရွေးချယ်လိုက်သည်။

သူ(မ)ရဲ့ နောင်လာမယ့် ဘဝသက်တမ်းကို ပင်လယ်ထဲကကျွန်းမှာဘဲ ကုန်ဆုံးဖို့ သူမဆုံးဖြတ်ချက်ချလိုက်သည်။

ပြီးတော့ ရိုးရိုးသားသားပြောရရင်၊ အဲ့ဒီအရာရှိမှာ ကောင်းမွန်တဲ့ ပင်ကိုယ်စရိုက်ရှိပြီး အရှုံးမရှိ ချောသေးသည်။

မမျှော်လင့်ထားစွာနဲ့ ကမ်းပေါ်ကို ရောက်သွားပြီးတဲ့နောက်မှာ ကျွန်းက သူမစိတ်ကူးထားသလိုမျိုး မဖြစ်ထွန်းဘဲ လူသူကင်းမဲ့နေတာ မဟုတ်မှန်း သူမသဘောပေါက်သွားသည်။

အုန်းသီးတွေ၊ သရက်သီးတွေ၊ မာလကာသီးတွေနဲ့ တစ်ခါတစ်ရံ တောရိုင်းတိစ္ဆာန်ငယ်လေးတွေ ပေါ်လာတတ်သည်....

ရေပုံးကိုသယ်ပြီး သင့်ရဲ့ပါတနာနဲ့သွားပြီး ခုံးကောင်တွေ၊ ဂဏန်းတွေ၊ ရေဘဝဲ အသေးလေးတွေကောက်...

မြေက မပြုမပြင်တာကြောင့် ယိုယွင်းပျက်စီးနေတယ်၊ ရေ‌ကောင်း‌ရေသန့်မရှိဘူး၊ အသီးအရွက်တွေလည်း စားလို့မရဘူးလား?

ဒါဆို ပြုန်းတီးနေတဲ့မြေကို အတူပြန်ပြုပြင်ပြီးတော့ လှပတဲ့ ကျွန်းတစ်ကျွန်း တည်ဆောက်ရတာပေါ့!