ပိုင်ရှန်းကျစ်ဟာ အစားအသောက်နဲ့ပတ်သက်လာရင် အတော်လေးဝါသနာထုံသူတစ်ဦးပါ။ တက္ကသိုလ်က ဘွဲ့ရပြီးချိန်မှာတော့ ဦးလေးစီကနေ စားသောက်ဆိုင်လေးတစ်ခုကို အမွေရခဲ့ပါတယ်။ ဆိုင်ရဲ့နာမည်က သုံးထောင်စားတော်ဆက်လို့ ခေါ်ပြီး ဝေးလံခေါင်သီတဲ့ လမ်းကြားလေးတစ်ခုထဲမှာ တည်ရှိနေတာပါ။

ကံမကောင်းစွာနဲ့ဘဲ သူ့ဦးလေးရဲ့ဟင်းချက်စကေးက အတော်လေးဆိုးရွားပြီး ချက်သမျှဟင်းတိုင်းမီးသွေးခဲဖြစ်သွားရတော့တာပါပဲ။ သည်လောက် သေးငယ်ပြီး အချက်အပြုတ်မကောင်းတဲ့ဆိုင်လေးကို လာမဲ့သူတောင်ရှိပါ့မလားလို့ တွေးနေကြတယ်မလား…

သုံးထောင်စားတော်ဆက် - လောကသုံးထောင်ရဲ့ အက်ကြောင်းတွေထဲက တစ်ခုတည်းသော ဝိညာဉ်စွမ်းရည်ကို ဖြည့်တင်းပေးမဲ့ တစ်ခုတည်းသောနေရာ။ အဲ့သည့်နေရာမှာရှိနေတဲ့ဟင်းပွဲတွေရယ်၊ အာကာသအတွင်း လုံလုံခြုံခြုံသွားနိုင်တာရယ်နဲ့ အကောင်းဆုံးအပိုင်းကတော့ ဈေးအတန်ဆုံးဖြစ်နေတာပါပဲ။

မည်သို့ပင်ဆိုစေကာမူ ဟင်းပွဲတွေရဲ့ ပုံပန်းသဏ္ဍာန်ကတော့ စားချင်စဖွယ်မရှိလှပါဘူး။ လူသိများတဲ့အချက်တစ်ခုကတော့ သုံးထောင်စားတော်ဆက်က ဟင်းတွေက မင်းရဲ့သွေး‌ကို အကြိမ်တစ်ထောင်မြှင့်တင်ပေးနိုင်ပေမယ့် ရှစ်ရာစာလောက်ကို ပြန်လျှော့ပစ်ရတာတဲ့။ သည်ဆိုင်မှာစား‌ပြီးတဲ့သူတိုင်း ခုနစ်ရက်တိတိ ပြန်ပိန်လာအောင် ဝိတ်ချဖို့အတွက် အချိန်ယူရတယ်လို့ ပြောကြပါတယ်။

အာကာသကိုဖြတ်ကျော်ပြီးနောက် သည်သုံးထောင်စားတော်ဆက်မှာ လာစားမိကြတဲ့လူတိုင်းလူတိုင်း တစ်ခါလေးစားပြီးတာနဲ့ နောက်နောင်ဘယ်တော့မှ အာကာသကိုအတွင်း ခရီးထပ်မသွားတော့ဘူးလို့ ကျိန်ဆိုတတ်ကြတယ်တဲ့။ သုံးထောင်စားတော်ဆက်ကို ဝင်ရမဲ့အစား သူတို့ရဲ့အကြီးအကဲတွေစီက အဆူခံပြီးပဲ သေလိုက်ကြတော့မှာပါ။

တစ်ဆိုင်ထဲသော စားသောက်ဆိုင်လေးရဲ့ ခွန်အားနဲ့ သုံးထောင်စားတော်ဆက်က လောကသုံးထောင်အကြား ကုန်သွယ်ရေးကို ထိထိရောက်ရောက် လျော့ချနိုင်ခဲ့ပါတယ်။

နောက်ပိုင်းမှာတော့ သုံးထောင်စားတော်ဆက်မှာ တစ်စုံတစ်ခုက ပြောင်းလဲသွားပြီဆိုတာကို လူတိုင်းရှာတွေ့သွားကြပါတော့တယ်။

ဝက်ဆီလူးထမင်း၊ ဝက်သားဂေါ်ဖီအစာသွပ်၊ ဝက်သားပေါင်း၊ အသားကြော်နဲ့ခေါက်ဆွဲ၊ ကြက်သားတုံးအစပ်ဟင်း၊ ဥထမင်းကြော်၊ ငါးအရသာခရမ်းသီးဟင်း၊ ကြက်သားနဲ့ဥခေါက်ဆွဲ ၊ အစပ်ခြောက်ခြောက်အိုး၊ ဟော့ပေါ့အစပ် ၊ ကြက်ပေါင်းအသားလွှာ၊ ဟင်းရွက်ချဉ်ငါးဟင်း၊ ဝမ်ကျိုးငါးကင်၊ ကြက်ပေါင်း၊ ငရုတ်ပွဝက်သားစဉ်းကော၊ ငါးအရသာဝက်စဉ်းကော၊ ဝက်သားပြုတ်အသားလွှာ ၊ မုန်လာဥချဉ်နဲ့ နူးညံ့တဲ့အသားစွပ်ပြုတ်၊ ကျောက်ပုစွန်အစပ်၊ ဖရဲသီးဖျော်ရည်အေး ၊ နို့နှစ်ထပ် ကျောက်ကျောပါ နို့်လက်ဖက်ရည်၊ ခရင်နဲ့ကိတ်မုန့်၊ ပဲစိမ်းကိတ်…

သူတို့ရဲ့ဘဝတစ်လျောက် သုံးထောင်စားတော်ဆက်စီ ဘယ်သောအခါမှ ပြန်မလာတော့ပါဟု ကျိန်ဆိုထားကြသူများ : အရမ်းးအရသာရှိတာပဲ…